Ҷойҳои холӣ дар Департаменти хизматрасонии рӯизаминӣ

Ширкати ҳавопаймоии Сомон Эйр барои ишғоли вазифаҳои зерин дар Департаменти хизматрасонии рӯизаминӣ  озмун эълон менамояд:

• Диспетчери ҳаракати ҳавоӣ;
• Мутахассис оид ба таъмини парвозҳо;
• Мутахассис – супервайзер дар ФБ Душанбе ва Хуҷанд;

Талабот ба довталабон

• Маълумоти олӣ ё миёнаи касбӣ (соҳаи авиатсия, техникӣ, навигатсия, идоракунии ҳаракати ҳавоӣ);
• Собиқаи кории на камтар аз 3 сол дар соҳаи авиатсия;
• Доштани шаҳодатнома / литсензияи диспетчери парвоз (Flight Dispatcher / Flight Operations Officer);
• Доштани малакаи хуби банақшагирии парвозҳо, таҳлили шароити обу ҳаво, ҳисобкунии хусусиятҳои парвозу фуруд дар фурудгоҳҳо, кор бо системаҳои навигатсионӣ ва метеорологӣ,  назорати иҷрои парвоз ва қабули қарорҳо дар ҳолатҳои ғайристандартӣ;
• Донистани забони давлатӣ, русӣ ва англисӣ ҳатмӣ;
• Малакаи хуби муошират ва қобилияти ба роҳ мондани ҳамкории самаранок;
• Малакаи кор бо компютер (MS Word, MS Excel, MS Outlook, MS Power Point);
• Ба номзадоне, ки собиқаи корӣ дар соҳаи авиатсия доранд ва дорои сертификати авиатсионӣ мебошанд, афзалият дода мешавад; 
• Донистани муқаддасоти миллӣ, таърих ва фарҳанг, Кодекси фазои Ҷумҳурии Тоҷикистон, Конститутсияи Ҷумҳурии Тоҷикистон, дигар қонунҳо ва санадҳои меъёрии ҳуқуқии соҳавӣ.

Тартиби пешниҳоди ҳуҷҷатҳо:

Барои иштирок дар озмун хоҳишмандон метавонанд резюмеи худро бо забонҳои тоҷикӣ ё русӣ ба Хадамоти кадрҳо ва коргузории Ҷамъият ё ба сӯроғаи почтаи электронии hr@somonair.com пешниҳод намоянд. 

Муҳлати ниҳоии қабули ҳуҷҷатҳо: то 30 марти соли 2026.

Танҳо номзадҳое, ки ба талаботи тахассусӣ ҷавобгӯ мебошанд, ба озмун даъват карда мешаванд.

Маълумоти тамос:

Нишонӣ: 734003, ш. Душанбе, кӯчаи М.Мастонгулов 40

Тел.: (+992 44) 640 40 46, (+992 44) 640 40 55.

Почтаи электронӣ: hr@somonair.com