Ширкати ҳавопаймоии “Сомон Эйр” бо ширкати Rolls-Royce ва агентии UK Export Finance (UKEF) дар Бритониёи Кабир вохӯрии корӣ баргузор кард

21 майи соли 2026 дар шаҳри Дерби (Бритониёи Кабир) вохӯрии кории роҳбарияти ширкати ҳавопаймоии “Сомон Эйр” бо намояндагони ширкати Rolls-Royce ва агентии UK Export Finance (UKEF) баргузор шуд.

Дар ҷараёни мулоқот намояндагони Rolls-Royce муҳаррикҳои муосири авиатсионии Trent 1000 XE-ро, ки барои ҳавопаймоҳои Boeing 787-9 Dreamliner пешбинӣ шудаанд, муаррифӣ намуданд. Ҷонибҳо хусусиятҳои техникии муҳаррикҳо, қарорҳои муосир ва дурнамои истифодаи онҳо дар истифодаи ҳавопаймоҳои насли навро муҳокима карданд.

Намояндагони UK Export Finance (UKEF) иштирокчиёнро бо воситаҳои маблағгузории содирот, ки барои дастгирии лоиҳаҳо дар соҳаи авиатсия дастрасанд, шинос намуданд. Ҷонибҳо инчунин дурнамои ҳамкориҳоро оид ба масъалаҳои мавриди таваҷҷуҳи тарафайн қарордошта, баррасӣ намуданд.

Диққати махсус ба дурнамои рушди парки ширкати ҳавопаймоӣ, аз ҷумла истифодаи ҳавопаймоҳои замонавиикалонҳаҷми Boeing 787-9 Dreamliner, инчунин масъалаҳои ҳамкории эҳтимолӣ дар самтҳои гуногун зоҳир карда шуд.

Мулоқот дар фазои созанда ва корӣ гузашта, ҳавасмандии тарафҳоро ба рушди минбаъдаи муносибатҳои шарикӣ ва густариши ҳамкорӣ тасдиқ намуд.