Ширкати ҳавопаймоии «Сомон Эйр» дар ҷаласаи Агентии авиатсияи граждании назди Ҳукумати Ҷумҳурии Тоҷикистон, ки ба натиҷаҳои соли 2025 бахшида шуда буд, иштирок намуд

8 январи соли 2026 ширкати ҳавопаймоии «Сомон Эйр» дар ҷаласаи Агентии авиатсияи граждании назди Ҳукумати Ҷумҳурии Тоҷикистон иштирок намуд, ки дар доираи он натиҷаҳои фаъолияти авиатсияи граждании кишвар барои соли 2025 ҷамъбаст гардида, самтҳои афзалиятноки рушди соҳа муайян карда шуданд.
 

Дар ҷараёни нишасти матбуотӣ роҳбарияти ширкати ҳавопаймоии «Сомон Эйр» нишондиҳандаҳои асосии фаъолияти ширкати ҳавопаймоиро барои давраи ҳисоботӣ пешниҳод намуд. Тибқи натиҷаҳои соли 2025, ширкати ҳавопаймоӣ 1 091 921 мусофирро интиқол дод, ки ин нисбат ба соли 2024 ба андозаи 8,6% зиёд мебошад. Дар ин давра 3 744 парвоз, аз ҷумла 348 парвози дохилӣ, анҷом дода шуд, ки нисбат ба соли гузашта 13% бештар аст.
 

Дар доираи чорабинӣ инчунин нақшаҳои ширкати ҳавопаймоии «Сомон Эйр» барои соли 2026 зикр гардиданд. Роҳбарияти ширкат иттилоъ дод, ки ният дорад шабакаи хатсайрҳоро васеъ намуда, теъдоди парвозҳоро зиёд кунад, аз ҷумла аз ҳисоби пурра кардани парки ҳавопаймоӣ бо ду ҳавопаймои Boeing 737 MAX 8, ки интизор меравад тобистони соли ҷорӣ ворид шаванд.
 

Дар соли ҷорӣ ширкати ҳавопаймоии «Сомон Эйр» рушди муназзами фаъолияти амалиётии худро идома дода, ба тавсеаи шабакаи хатсайрҳо, беҳтар намудани стандартҳои хизматрасонӣ ва таъмини сатҳи баланди бехатарии парвозҳо таваҷҷӯҳ зоҳир хоҳад кард.